Maskoten araudi espezifikoa

18. artikulua.- Maskoten sarrera

1

Beste bezeroentzat arriskurik edo eragozpenik sortzen ez duten txakur eta etxeko animalien sarrera baimenduko da. Nolanahi ere, kanpineko instalazioen barruan animaliek BETI lotuta edo itxita egon beharko dute.

2

Zuzendaritzak bere esku hartzen du maskotarekin bidaiatzen duten bezeroei kanpin eremuan kokatzeko lekua adierazteko eskubidea.

3

Aipatzekoa da Camping Baztán mendialdeko paraje batean dagoela, animalia basatien dentsitate handiarekin, bereziki gaua heltzen denean. Horregatik, animalien jabeek kontuan izan behar dute iluntzean euren maskoten portaera alda daitekeela eta, ondorioz, gauean zaunka egin dezaketela.

4

Ez da kanpinean onartuko, edo bertatik kanporatuko da behar izanez gero agintarien laguntzarekin, bere maskotaren portaeraren bidez gainerako kanpinzaleen lasaitasuna eta harmonia nahasten duen edo bizikidetza arauak nahiz araudi honen xedapenak betetzen ez dituen edozein erabiltzaile, bezero edo bisitari. Bereziki azpimarratuz gainerako bezeroen atseden orduetan (00:00etatik 08:00etara) gerta daitezkeen egoerak.

5

Sartzea baimenduta duen edozein maskota erregistratu egin beharko da eta dagokion tarifa ordaindu, eta Zuzendaritzak edozein unetan bere osasun dokumentazioa eskatu ahal izango du.

6

Baimendutako maskotak uneoro bere jabearekin egon beharko du, lotuta eta bere kontrolpean. Beharrezkoa bada, dagokion muturrekoa eraman beharko du.

7

Erabat debekatuta dago maskotek kanpineko eremuan gorotzak egiteko helburuarekin paseatzea. Txakurraren edo maskotaren jabeak sortutako gorotzak jasotzera eta poltsa itxietan zakarrontzietan uztera behartuta dago.

8

Bereziki debekatuta dago txakurrak eta beste animaliak ondoko instalazio eta guneetan egotea:

Komunak, konketa-gelak, dutxak, garbitegiak eta ontzi-garbigailuak.
eraikin nagusiaren barruan.

9

Baimenduta dago tabernako eta jatetxeko terrazan egotea maskotarekin, aulkiari motz lotuta.

10

Animalia abandonatua badago, hau da, jaberik gabe noraezean dabilela ulertuta, zaintza-zerbitzuek jasoko dute eta 24 orduko epean udal txakurtegi edo gordailura eramango dute. Berreskuratzearen ondoriozko tasak jabearen kontura izango dira.

11

Animaliaren jabea izango da bere maskotak gainerako kanpinzaleei eta haien ondasunei zein kanpineko instalazioei eragin diezazkiekeen kalteen erantzule.

12

Aurreko arauek ez dute eragozten ikusmen-desgaitasuna duten bezero edo erabiltzaileei gidari-txakurrekin establezimenduan libreki sartzeko, ibiltzeko eta egoteko eskubidea, betiere arauz ezarritako baldintza higieniko-sanitarioak betetzen badituzte.